کانگریس نے پٹنہ گریجویٹ سیٹ سے اسد اللہ کوبنایا امیدوار ، انتخاب ہوا دلچسپ، سوموار کو نامزدگی۔

🖋️SERAJ ANWAR

بہار کی قانون ساز کونسل کے انتخابات میں 8 نشستوں پر 23 اکتوبر کو ووٹنگ اور 27 کو گنتی ہوگی۔ کانگریس نے پٹنہ گریجو یٹ سیٹ سے ڈاکٹر اسداللہ خان کو امیدوار بنایا ہے۔ دربھنگہ گریجو یٹ سے رجنی کانت پاٹھک اور کوسی گریجو یٹ سے منوج کمار جیسوال کو امیدوار بنایا ہے۔ ان تینوں نشستوں پر آر جے ڈی نے بھی بالترتیب دلِیپ کمار، انِل کمار جھا اور نیتیش کمار کو میدان میں اتارا ہے۔ اسی طرح دربھنگہ اساتذہ نشست سے کانگریس نے سابق صوبائی صدر ڈاکٹر مدن موہن جھا کو پھر امیدوار بنایا ہے۔ پٹنہ اساتذہ نشست سے کانگریس نے سنجے کمار یادَو کو ٹکٹ دیا ہے۔ ان دونوں نشستوں پر راجد نے امیدوار نہیں اتارا ہے۔

اس میں سب سے زیادہ چرچا پٹنہ گریجو یٹ سے امیدوار بنائے گئے اسداللہ کی ہے۔ وہ پرانے کانگریسی ہیں۔ سیکولر نظریے کے حامل ہیں۔ ماہرِ تعلیم ہیں۔ ہندو اور مسلمان دونوں میں مقبول ہیں۔ تعلیم اور معاشرے کے میدان میں کانگریس کے امیدوار اسداللہ خان کا بڑی خدمات ہے۔ تعلیم اور سیاست کے ذریعے معاشرے سے جڑے ہوئے ہیں۔ یہی وجہ ہے کہ مائی سمیکرن کا دعویٰ کرنے والی لالو پرساد کی پارٹی راشٹریہ جنتا دل نے جہاں ایم ایل سی انتخابات میں ایک بھی مسلمان کو امیدوار نہیں بنایا، وہیں کانگریس نے پٹنہ جیسے اہم نشست سے ایک مسلم کو ٹکٹ دے کر سیکولرزم کی پاس رکھی ہے.۔ دراصل، اسداللہ قابل امیدوار ہیں۔ ان کی وجہ سے راجد سے بکھرے ہوئے مسلمانوں کی کانگریس میں واپسی ہوسکتی ہے۔ بہار صوبائی کانگریس کے صدر راجیش رام نے اسداللہ کو سمبل سونپتے وقت بھروسہ ظاہر کیا ہے۔ اسداللہ پیر 5 اکتوبر کو اپنا نامزدگی کریں گے۔ انہوں نے امیدوار بنائے جانے پر پارٹی کے تئیں شکریہ ادا کیا ہے۔

انہوں نے کہا کہ کانگریس پارٹی کی اعلیٰ قیادت کی طرف سے مجھ پر بھروسہ ظاہر کرتے ہوئے پٹنہ
گریجو یٹ ایم ایل سی انتخابات کے لیے امیدوار اعلان کیے جانے پر میں دل سے شکریہ ادا کرتا ہوں۔ یہ عزت صرف میرا نہیں، بلکہ پٹنہ گریجو یٹ کے ہر اس تعلیم یافتہ نوجوان، سیکولر ووٹر اور کانگریس کےلۓ وقف سبھی کارکن کا ہے، جو تبدیلی کی امید لے کر ساتھ کھڑے ہیں۔ انہوں نے لکھا: آئیں، ہم سب مل کر تعلیم، ترقی اور عوامی مفاد کی اس لڑائی کو آگے بڑھائیں۔ آپ کی محبت، حمایت اور دعا ہی میری سب سے بڑی طاقت ہے۔

اسداللہ کے انتخاب میں کودنے سے یہ تو طے ہے کہ پٹنہ
گریجو یٹ سیٹ گرم ہو گئی ہے۔ ایک طرف جہاں جے ڈی یو میں ہلچل ہے، راجد پریشان ہے، کانگریس کے لیے یہ لڑائی آسان ہو سکتی ہے۔ جے ڈی یو اننت سنگھ اور نیرج کی لڑائی میں پھنس گیا ہے۔ راجد سے مسلمانوں کا دل ٹوٹ چکا ہے۔ بانکی پور ضمنی انتخاب میں ملی کراری شکست اس کا ثبوت ہے۔ اسداللہ مہاگٹھ بندھن کے واحد مسلمان چہرہ ہیں اور ہر طرح سے مضبوط ہیں، لڑائی دلچسپ ہوگی۔